Vel heppnaður fulltrúaráðsdagur var haldinn 8. júní síðastliðinn þar sem okkar 15 manna fulltrúaráð og stjórn Krýsuvíkur var boðuð á fund þar sem Elías Guðmundsson framkvæmdastjóri fór yfir árangur og áfanga síðasta árs og stjórnarformaðurinn Lárus Welding og Björg Fenger formaður fulltrúaráðs héldu tölur og sátu undir svörum.
Fulltrúaráðið og aðrir gestir sem mættu í opið hús, fengu næst sýningatúr um meðferðaraðstöðuna og þær úrbætur sem hafa átt sér stað og blessun í kapellunni frá séra Valgeiri. Af úrbætum má helst nefna kvennaálmuna sem opnar í sumar og bætir við plássum og kynjaskiptir meðferðinni meira, bætta eldhúsaðstöðu og skemmtilegar nýjungar eins og grænmetisræktunin sem Solla Eiríks, hefur komið upp, heiðursmannavegginn þar sem heiðruð eru þau sem hafa lagt mest á plóg Krýsuvíkur í gegnum sögu þess og ný málverk sem sýnd voru í fyrsta sinn eftir Snorra Ásmundsson af Bill Wilson og Dr Bob Smith, stofnendum AA samtakanna.
Mikið er framundan á dagskrá Krýsuvíkur til að bæta meðferð og aðstöðu enn frekar og er næsta markmið er að vinna í ytra byrði hússins sem og bæta jóga og hugleiðsluaðstöðu fyrir skjólstæðinga.
Frábær mæting og góð stemning var á opnu húsi þar sem E Finnsson grillaði gæðakjöt og Solla Eiríks töfraði fram meðlæti og grænmetismat. Fyrrum skjólstæðingur Krýsuvíkur deildi sögu sinni um árangur og Emmsjé Gauti sló botninn í partýið með því að taka nokkur vel valin lög og sjarmera alla upp úr skónum.
Einstaklega vel heppnaður dagur í alla staði.
SMELLTU TIL AÐ HORFA Á VIÐTALIÐ
Nýlegar athugasemdir